Jahon

“Red Bull” asoschisi, milliarder Ditrix Mateshits vafot etdi

photo 830

Loading

Red Bull energetik ichimliklar kompaniyasi asoschisi va “Formula 1” kompaniyasining shu nomdagi jamoasi egasi, avstriyalik milliarder Ditrix Mateshits 78 yoshida vafot etdi.

Ditrix Mateshits va tailandlik investor Chaleo Yuvidya 1982-yilda Red Bull kompaniyasiga asos solgan. Mateshits ichimlik formulasi ustida bir necha yil ishlagan, 1987-yilda mahsulot Avstriyada sotila boshlagan. 2021-yilda kompaniya dunyoning 172 mamlakatida qariyb 10 000 000 000 qadoqda ichimlik sotgan.

Kompaniya rivojlanishi bilan Mateshits sportga, ayniqsa, avtopoyga va ekstremal sportga sarmoyalarni sezilarli darajada oshirdi. 2004-yilda Mateshits Ford kompaniyasidan Jaguar poyga jamoasini sotib oldi va uning asosida Red Bull Racing’ni yaratdi, bu poyga jamoasi 2010–2013-yillarda “Formula 1” konstruktorlari chempionatida to‘rt marta g‘olib chiqdi, uning poygachisi Sebastyan Fettel esa to‘rt marta chempion bo‘ldi. Shuningdek, Red Bull turli mamlakatlardagi futbol va xokkey jamoalariga ega.

“Forbes” nashri Ditrix Mateshitsning boyligini $20 000 000 000 dan ortiq deb baholagan.

Muhokama qilish (0 ta sharh)

Javob berish


  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.