Buxoro yangiliklari

Gʻijduvonda yaroqsiz yogʻ mahsulotlarini ishlab chiqargan fuqaro qoʻlga olindi

photo 20 1

Loading

Kuni kecha IIB tomonidan o‘tkazilgan tezkor tadbir davomida G‘ijduvon tumanining «Boʻktaroy» mahallasida yashovchi fuqaro “Sultan Star” MChJ rahbari sifatida faoliyat yuritib, tumanning Bobog‘ozi qishlog‘ida joylashgan omborxona binosida iste’molga yaroqsiz yog‘ ishlab chiqarish sexini tashkil etgan holda noqonuniy faoliyat olib borayotganligi aniqlandi.

Amaldagi qonunchilikka zid ravishda, ekstraksiya bo‘limini tashkil qilmasdan, Xitoy davlatida ishlab chiqarilgan juvoz uskunasidan foydalanib, isteʼmolchilarning hayoti va sog‘lig‘i xavfsizligi talablariga javob bermaydigan chigitdan olinadigan mahsulotlarni ishlab chiqarish faoliyati bilan shug‘ullanib kelingan mazkur korxona sexidan 40 litr paxta yog‘i, 520 kg texnik chigit mahsulotlari, 310 kg kunjara va 2 komplekt Xitoy davlatida ishlab chiqarilgan chigitni qayta ishlash uskunasi ashyoviy dalil sifatida olingan.

Mazkur holat yuzasidan O‘zbekiston Respublikasi Jinoyat Kodeksining 186/2-moddasi 1-qismi bilan jinoyat ishi qo‘zg‘atilib, hozirgi kunda dastlabki tergov harakatlari davom ettirilmoqda.

Muhokama qilish (0 ta sharh)

Javob berish

  • Telegram
    Buxoroisharif.uz

    Eng ko‘p o‘qilgan maqolalar

    Яндекс.Метрика

    Tahririyat manzili: 200400, O‘zbekiston Respublikasi, Buxoro viloyati, Buxoro tumani, Nodirabegim ko‘chasi, 23-uy. Bosh muharrir: Nazarov S. L. Muassis: “Buxoroisharif UZ Axborot xizmati” xususiy korxonasi. Ariza, taklif va shikoyatlaringizni info@buxoroisharif.uz ga yoʻllang. Joylashtirilgan maʼlumotlardan toʻliq yoki qisman foydalanish, tarqatish, chop etish faqat manba ko‘rsatilgan hollarda ruxsat beriladi.

    © 2023. Ushbu sayt OAV sifatida Oʻzbekiston Respublikasi Prezidenti Administratsiyasi huzuridagi AOKA dan 1394 raqami bilan 2021-yilda ro‘yxatdan o‘tgan.