Buxoroda “Hosil bayrami”. O‘tkazilish vaqti va tumanlarga boradigan mashhur san’atkorlar ro‘yxati

Xabaringiz bor, shu kunlarda Buxoro viloyatining barcha tuman (shahar)larida “Hosil bayrami” ga bag‘ishlangan katta bayramlar o‘tkazib kelinyapti.

Joriy yilning 10-dekabr, shanba kuni esa buxorolik mehnatkashlarining 2022-yilgi qishloq xo‘jalik mavsumining muvaffaqiyatli yakunlariga bag‘ishlangan an’anaviy “Hosil bayrami” hamda “Qishloq xo‘jaligi xodimlari kuni” tadbirlarining asosiy shodiyonalari bo‘lib o‘tadi.

Bayram Ko‘hna va Boqiy Buxoro majmuasi hududida soat 10:00 dan boshlanib, xalq sayli sifatida kechgacha davom etadi, – deya xabar bermoqda Buxoro viloyati hokimligi matbuot xizmati.

Hosil bayrami munosabati bilan har bir shahar va tumanlarning pavilyonlari tiklanib, hunarmandchilik mahsulotlari ko‘rgazmasi hamda arzonlashtirilgan qishloq xo‘jaligi mahsulotlari yarmarkalari tashkil etiladi. Bayramning asosiy tomosha maydonida esa milliy kurash, qo‘chqor urishtirish kabi musobaqalar, bir-birini aslo takrorlamaydigan milliy xalq o‘yinlari bo‘lib o‘tadi, folklor jamoalarining badiiy chiqishlari qilishadi.

Shuningdek, shu kuni joriy yilgi mavsumda yuqori ko‘rsatkichlarga erishgan, pilla, g‘alla, paxta xirmoniga salmoqli hissa qo‘shgan ilg‘or viloyatdoshlarimiz tantanali ravishda taqdirlanadi.

Viloyatimiz va respublikamizning taniqli san’at va so‘z ustalarining konsert dasturi esa bayram fayzini yanada oshirishi shubhasiz. Shunday ekan, barcha buxoroliklarni va shahrimiz mehmonlarini “Hosil bayrami” tantanalariga chorlab qolamiz!

Quyida esa Buxoro viloyatining tuman (shahar) larida o‘tkaziladigan bayram tantanalari vaqtini ko‘rsatib o‘tamiz:

Buxoro shahri
O‘tkazilish joyi va sanasi: shahardagi Yoshlar markazi binosida; 6-dekabr, soat 14:00.
Dastur: tadbirdan mahalliy xonandalar chiqishlari o‘rin olgan.

Buxoro tumani
O‘tkazilish joyi va sanasi: tuman Markaziy stadionida; 9-dekabr, soat 10:00.
Dastur: tadbirdan mahalliy hamda respublikamiz xonandalari chiqishlari, milliy kurash musobaqalari o‘rin olgan.

G’ijduvon tumani
O‘tkazilish joyi va sanasi: tumandagi “Zarangari” stadionida; 8-dekabr, soat 11:00.
Dastur: tadbirdan O‘zbekiston xalq artisti Yulduz Usmonova hamda mahalliy xonandalar chiqishlari, milliy kurash, qo‘chqor va xo‘roz urushtirish musobaqalari o‘rin olgan.

Jondor tumani
O‘tkazilish joyi va sanasi: tuman Markaziy stadionida; 8-dekabr, soat 10:00.
Dastur: tadbirdan O‘zbekistonda xizmat ko‘rsatgan artist Hosila Rahimova hamda mahalliy xonandalar chiqishlari, milliy kurash, qo‘chqor urushtirish musobaqalari o‘rin olgan.

Kogon tumani
O‘tkazilish joyi va sanasi: tuman Markaziy stadionida; 9-dekabr, soat 10:00.
Dastur: tadbirdan O‘zbekistonda xizmat ko‘rsatgan artist Hosila Rahimova hamda mahalliy xonandalar chiqishlari, milliy kurash, qo‘chqor urushtirish musobaqalari o‘rin olgan.

Olot tumani
O‘tkazilish joyi va sanasi: tuman Markaziy stadionida; 8-dekabr, soat 10:00.
Dastur: tadbirdan xushovoz xonanda Feruza Jumaniyozova hamda mahalliy xonandalar chiqishlari, milliy kurash, qo‘chqor va xo‘roz urushtirish musobaqalari o‘rin olgan.

Peshko‘ tumani
O‘tkazilish joyi va sanasi: tuman Markaziy stadionida; 9-dekabr, soat 10:00.
Dastur: tadbirdan taniqli san’atkorlar Farhod va Shirin, Alisher Fayz hamda mahalliy xonandalar chiqishlari, milliy kurash, qo‘chqor va xo‘roz urushtirish musobaqalari o‘rin olgan.

Qorako’l tumani
O‘tkazilish joyi va sanasi: tuman Markaziy stadionida; 8-dekabr, soat 10:00.
Dastur: tadbirdan O‘zbekiston Xalq artisti Og‘abek Sobirov, Rayhon G‘aniyeva hamda mahalliy xonandalar, hamda taniqli so‘z ustasi Nodirbek Hayitov, mahalliy xonandalar chiqishlari, milliy kurash, qo‘chqor va xo‘roz urushtirish musobaqalari o‘rin olgan.

Qorovulbozor tumani
O‘tkazilish joyi va sanasi: tumandagi Yoshlar bog‘ida, Markaziy stadionda, BNQIZ zavodi yonida; 7-dekabr, soat 11:00.
Dastur: tadbirdan O‘zbekistonda xizmat ko‘rsatgan artist Rayhon G‘aniyevahamda taniqli so‘z ustasi Nodirbek Hayitov, mahalliy xonandalar chiqishlari, milliy kurash, ko‘pkari musobaqalari, osh damlash o‘rin olgan.

Romitan tumani
O‘tkazilish joyi va sanasi: tuman Markaziy stadionida; 7-dekabr, soat 10:00.
Dastur: tadbirdan O‘zbekistonda xizmat ko‘rsatgan artist Hosila Rahimova, xushovoz xonanda Yorqinxo‘ja Umarov hamda mahalliy xonandalar chiqishlari, milliy kurash, qo‘chqor va xo‘roz urushtirish musobaqalari o‘rin olgan.

Shofirkon tumani
O‘tkazilish joyi va sanasi: tuman hokimligi binosi oldida; 9-dekabr, soat 09:00.
Dastur: tadbirdan O‘zbekiston Xalq artisti Og‘abek Sobirov hamda qiziqchi, “Shuhrat” medali sohibi Avaz Ohun, mahalliy xonandalar chiqishlari, milliy kurash, qo‘chqor va xo‘roz urushtirish musobaqalari o‘rin olgan.

Vobkent tumani
O‘tkazilish joyi va sanasi: tuman Markaziy stadionida; 9-dekabr, soat 09:00.
Dastur: tadbirdan taniqli san’atkorlar Doston Ergashev, Feruza Jumaniyozova hamda mahalliy xonandalar chiqishlari, milliy kurash, qo‘chqor va xo‘roz urushtirish musobaqalari o‘rin olgan.