Shofirkonda daraxtlarni o‘zboshimchalik bilan kesgan fuqarolar jazolandi

Tahririyatimizning Telegram guruhi orqali Shofirkon tumanidagi “Guliston” MFY raisi va hududning hokim yordamchisi boshchiligida bir necha yillik mevali daraxtlar noqonuniy kesilganligi bo‘yicha e’lon qilingan murojaatga Buxoro viloyat Ekologiya boshqarmasi ramiy e’lon qildi.

Chunonvhi, tashkilotning tuman bo‘limi inspektorlari daraxtlarning noqoqnuniy kesilganligi aytilgan hududga borib, o‘rganish ishlari olib borishdi.

O‘rganishda Guliston mahallasida yashovchi 2 nafar fuqaro ichki yo‘lni asfaltlashtirish maqsadida o‘zboshimchalik bilan 2 tup tol daraxtini kesganligi aniqlandi.

Ushbu holat yuzasidan fuqarolarga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 79-moddasi, 1-qismi bilan bayonnoma rasmiylashtirilib, 3 000 000 so‘m jarima va 3 000 000 so‘m tabiatga yetkazilgan zarar hisoblandi.

Shuningdek, kesilgan daraxt o‘rniga fuqarolar o‘z hisobidan 70 tup (archa) daraxt ko‘chatlarini o‘tqazishdi.