G‘ijduvonda markazidagi savdo do‘konidan pul va telefon o‘g‘irlaganlar voyaga yetmagan o‘smirlar bo‘lib chiqdi

Joriy yilning 17-dekabr kunidan 18-dekabr kuniga qadar bo‘lgan vaqt oralig‘ida nomaʼlum shaxs fuqaro A. D. ga tegishli bo‘lgan “Degrezon” mahallasi hududida joylashgan savdo do‘koniga g‘ayriqonuniy tarzda kirib, u yerdan 15 100 000 so‘m naqd pullarni va bahosi 10 000 000 so‘m bo‘lgan 4 dona telefon apparatini o‘g‘irlab, jabrlanuvchiga jami 25 100 000 so‘mlik moddiy zarar yetkazib, hodisa joyidan yashiringan.

Olib borilgan tezkor tergov harakatlari davomida ushbu jinoyatni shu tumanning Buktaroy mahallasida yashovchi 3 nafar voyaga yetmagan shaxslar sodir qilganligi aniqlangan.

Buxoro viloyati IIB matbuot xizmati xabar berishicha, hozirgi kunda mazkur holat yuzasidan tuman ichki ishlar bo‘limi tomonidan O‘zbekiston Respublikasi Jinoyat Kodeksining 169-moddasi, 2-qismi bilan jinoyat ishi qo‘zg‘atilib, ushbu shaxslarning boshqa shu turdagi fosh etilmasdan qolayotgan jinoyatlarga aloqadorligini aniqlash borasida qo‘shimcha surishtiruv va tergov harakatlari davom ettirilmoqda.