Lolagul Qallixanova: “Tergovchi menga choy damlab berardi”… Qoraqalpog‘iston voqealari bo‘yicha sud hukm chiqardi

Avval xabar qilganimizdek, bugun, 31-yanvar kuni Buxoro viloyat sudida Qoraqalpog‘istondagi voqealar bo‘yicha 22 ayblanuvchiga nisbatan sud hukmi o‘qib eshittirildi.

Mustaqil komissiya iltimosiga ko‘ra, Nukus voqealari bo‘yicha gumondorlar Azamat Nuratdinov, Axmet Smetullayev va Lolagul Kallixanovalar jazosi sud tomonidan yengillashtirilib, qamoqqa olish ehtiyot chorasi ozodlikni cheklashga o‘zgartirildi. Ular sud zalidan ozodlikka chiqarildi.

Lolagul Qallixanova sud jarayonlari haqida o‘z fikrlarini bildirdi.

“– Men jurnalistlardan, xalqaro maydondagi odamlardan, umuman hech kimdan qo‘rqmayman… Agar qamoqxonada menga tazyiq o‘tkazilganda yoki kuch ishlatilganda men buni aytgan bo‘lardim”, — dedi jurnalist Lolagul Qallixanova.

Uning aytishicha, tergov jarayonida choy ichgisi kelganda, tergovchi unga choy damlab bergan.

“– Tazyiq bo‘ladigan bo‘lsa, tergovda bo‘ladi. Lekin savodli va madaniyatli odamlar tergov qilishdi. Keyin qamoqxonada ko‘chada aytilayotgan ishlar bo‘lgani yo‘q», — deya ta’kidladi Lolagul Qallixanova.

Lolagul Kallixanova Jinoyat Kodeksi (JK) ning tegishli moddalari bilan aybli deb topilib, unga 8 yil ozodlikdan mahrum qilish jazosi tayinlandi. Lekin, jurnalistga nisbatan JK ning 72-moddasi qo‘llanilib, jazo 3 yil sinov muddati bilan shartli deb belgilanib, sud zalida qamoqdan ozod qilindi.

Video: https://t.me/repostbu/406.

“Qoraqalpog‘iston voqealari” bo‘yicha sud chiqargan to‘liq hukm va boshqa tafsilotlarni quyida batafsil o‘qishingiz mumkin: https://buxoroisharif.uz/11045/.

Muallif: Sanjar Nazarov, Buxoroisharif.uz bosh muharriri va asoschisi.