Feruza Normatova Instagram sahifasidagi reklama ortidan 2 ta yangi kvartira olgani haqida gapirdi

ShokUZ YouTube-kanali muxbirlari aktrisa Feruza Normatova bilan uning uyida intervyu tashkillashtirdi. Aktrisa suhbat davomida 1 200 000 nafar kuzatuvchisi bo‘lgan Instagram sahifasi unga qancha daromad keltirishi haqida ham so‘zlab berdi. “Daryo” nashri uning qisqacha mazmunini yozmoqda.

“– 2021-yilda yangi turar joy majmualari quradigan kompaniya bilan reklama bo‘yicha shartnoma tuzganman. Shartnoma 6 oy muddatga tuzilgan edi. Shunda biz o‘zaro 6 oy men ularni reklama qilishga, xizmat haqqimga uyning yarim pulini berishim haqida kelishdik. Olti oylik reklama xizmati $20 000 ga baholandi. Men 2 xonali uy uchun $22 000 pul to‘ladim, uy menga $42 000 ga tushdi”, — deydi aktrisa.

Shuningdek, aktrisa ushbu kompaniya bilan yana 1 yillik shartnoma tuzib, ota-onasiga ham xonadon sovg‘a qilganini ham aytib o‘tdi.