Shahzoda Muhammedova qizining 3 yoshligini o‘zgacha nishonladi

Bir kun avval o‘zbek estradasining yorqin yulduzi, iste’dodli aktrisa va dizayner Shahzoda Muhammedova o‘zining ijtimoiy tarmoqdagi sahifasida qizi bilan birga tushgan videoni joylashtirdi. Gap shundaki, uning qizi 3 yoshga to‘ldi.

Milana ismli qizning tug‘ilgan kuni munosabati bilan Shahzoda unga haqiqiy to‘yona muhit yaratdi. Kadrlarda bolaning juda yoqimtoyligini va o‘zini kameralar oldida to‘g‘ri tutib, suratga tushishini ko‘rishingiz mumkin. Qiz oq libos kiyib, haqiqiy Disney malikasidek ko‘rinishda edi.

Aktrisaning o‘zi ham quvonchini yashira olmay, qiziga mehr va muhabbat ko‘rsatdi, uni quchoqlab, o‘pdi.