Munajjimlar bashorati (24.01.2026)

2026-yilning 24-yanvar, shanba kuni uchun munajjimlar bashorati

Qo‘y (21.03 — 20.04)

Kechqurun sevimli hobbingiz bilan shug‘ullaning. Salomatlik tarafga ko‘z tashlab olish ham esdan chiqmasin!

Buzoq (21.04 — 21.05)

Juftingiz barcha kamchiliklaringizni aytib tashlasa, jahl qilmang. Do‘st achitib gapiradi-da!

Egizaklar (22.05 — 21.06)

Oilada islohotlar o‘tkazish, salomatlikni tiklash maqsadlariga yo‘naltirilgan muolajalar olish va ba’zi jabhalarda tanaffuslar e’lon qilish muvaffaqiyatli kechadi.

Qisqichbaqa (22.06 — 23.07)

Agar tijoratchi yoki tadbirkor bo‘lsangiz, kechqurun mo‘may daromad sizni qidirib kelishi kutilmoqda.

Arslon (24.07 — 23.08)

Ilgari sizga katta yordam berganlarni oyoqosti qilmang. Ularni qadrlang, hurmat bajo keltiring.

Parizod (24.08 — 23.09)

Muhim hujjatlar, zarur buyumlaringizni unutib qoldirmang. Yo‘lda xatoga yo‘l qo‘ymaslikka harakat qiling. Toki bu xato siz uchun qimmatga tushmasin.

Tarozi (24.09 — 23.10)

Tushdan keyin shaxsiy hayotingizda muhim qarorlar chiqarishingizga to‘g‘ri keladi.

Chayon (24.10 — 22.11)

Kechqurun toza havoda sayr qiling. Ovqatlanish rejimini buzmang.

O‘qotar (23.11 — 21.12)

Moddiy ahvolingiz yaxshi, muammolarga duch kelmaysiz. Ba’zilar esa dangasalikka qarshi keskin kurash olib borishi zarur.

Tog‘ echkisi (22.12 — 20.01)

Eng zarur ishlarni ham chetga suring. Sport bilan shug‘ullanmang. Organizmning jismoniy zo‘riqishiga yo‘l qo‘ymang.

Qovg‘a (21.01 — 19.02)

Xastalana boshlaganingizni his etib turgan bo‘lsangiz, darhol mutaxassisga uchrashing.

Baliq (20.02 — 20.03)

Dam olishingiz, hayotdan zavqlanishingiz uchun barcha imkoniyatlar mavjud. Kechqurun moliyaviy muammolar hal bo‘lishi kutilmoqda.

Tepada yozilganlarga ishonish-ishonmaslik, albatta, har kimning o‘ziga havola. Lekin, bularni shunchaki o‘qishning o‘zi boshqacha…