2026-yilning eng boy davlatlari: Norvegiya yetakchi, Fransiya va Germaniya esa TOP10 ga ham kirmadi

2026-yil uchun tuzilgan yangi “farovonlik indeksi”ga ko‘ra, dunyoning eng boy davlatlari reytingi odatdagi GDP (YAIM) ko‘rsatkichlaridan keskin farq qiladi. Tadqiqot mualliflari ta’kidlashicha, haqiqiy boylik faqat ishlab chiqarish hajmi bilan emas, balki uning oddiy fuqarolar hayotiga qanchalik ta’sir qilishi bilan o‘lchanadi.

Mazkur reytingni HelloSafe platformasi tuzgan bo‘lib, unda daromad, tengsizlik va ijtimoiy ko‘rsatkichlar birgalikda hisobga olingan.

Norvegiya — eng boy davlat

Tadqiqotga ko‘ra, 2026-yilda dunyodagi eng boy davlat — Norvegiya bo‘ldi. Bunga sabab:

• yuqori milliy daromad
• kuchli ijtimoiy tizim
• daromadlarning nisbatan teng taqsimlanishi

Ikkinchi o‘rinni Irlandiya egalladi. Bu yerda YAIM juda yuqori bo‘lsa-da, uning katta qismi Apple, Google va Pfizer kabi transmilliy kompaniyalar hissasiga to‘g‘ri keladi.

Uchinchi o‘rin — Lyuksemburg.

Kichik davlatlar yetakchilik qilmoqda

Reytingda kichik, ammo rivojlangan davlatlar oldinga chiqdi:

• Islandiya — yuqori inson taraqqiyoti va past kambag‘allik
• Singapur — yuqori daromad, ammo tengsizlik yuqoriroq

Yirik davlatlar ortda qolmoqda

Kutilmagan holat — yirik iqtisodiyotlar TOP10 ga kira olmadi:

• AQSh — 17-o‘rin
• Franiya — 20-o‘rin
• Germaniya — TOP10 dan tashqarida

Buning asosiy sababi:

• daromadlar teng taqsimlanmagan
• ijtimoiy farqlar yuqori

Masalan, Chexiya Respublikasi Fransiyadan yuqoriroq o‘rinni egallagan, chunki u yerda daromadlar nisbatan tengroq taqsimlangan.

Boshqa mintaqalarda kim yetakchi?

• Afrika: Seyshel orollari
• Lotin Amerikasi: Urugvay
• Osiyo: Singapur (keyin Qatar va BAA)

Yangi reyting shuni ko‘rsatadiki, “boy davlat” tushunchasi o‘zgarmoqda. Endi muhim narsa:

• faqat iqtisodiy hajm emas
• balki boylikning aholiga qanchalik teng taqsimlanishi

Shu sababli Yevropa hanuz yetakchi bo‘lsa-da, haqiqiy farovonlik ko‘rsatkichlari davlatlar o‘rtasidagi tafovutni ancha aniqroq ochib bermoqda.