Kogonda ijtimoiy yotoqxona qurilishi boshlandi

Kogon shahar 2-sektor, “Abdulla Qodiriy” mahalla fuqarolar yig‘ini hududida joylashgan Lokomotiv deposiga qarashli ijtimoiy yotoqxonada qurilish-ta’mirlash ishlari jadal suratlarda olib borilmoqda. Bunda temir yo‘l korxonasining quruvchi ishchi xodimlari jonbozlik ko‘rsatishmoqda, –deyiladi Kogon shahar hokimligi Matbuot xizmati e’lon qilgan xabarda.

Jami 141 nafar quruvchilar jalb etilib, ish samarali yo‘lga qo‘yilgan.

Ushbu bino 3 qavatdan iborat bo‘lib, hozirgi kunda 1-qavatida dalamid qorishmasi tashlanib, beton qilishga tayyorlanmoqda, 2-qavatida beton qilish ishlari olib borilmoqda. 3-qavatida devordagi eskidan qolib ketgan suvoqlash qorishmalari buzib olinib, chiqarib tashlanmoqda.

Ta’kidlash kerak-ki, olib borilayotgan ishlar boshlanganiga 10 kundan oshgan. Bu yerda xizmat qilayotgan barcha quruvchilarga kuch-quvvat tilaymiz.