IIB Buxorodagi maktablarda «Tig‘» tadbirlarini o‘tkazmoqda

Buxoro IIB Voyaga yetmaganlar masalalari bo‘yicha inspektor-psixologlari umumtaʼlim maktablarida “Davomat” va “Tig‘” tadbirlarini o‘tkazib kelishyapti. Bunda maktab masʼullari, o‘qituvchi va o‘quvchilar o‘rtasida turli illatlarning salbiy oqibatlari batafsil tushuntirilib, fuqarolarning huquqiy savodxonligini oshirishga doir profilaktik targ‘ibotlar olib borilmoqda. Shuningdek, firibgarlik, o‘g‘irlik va kiber-jinoyatchilik qurboniga aylanib qolmaslik yo‘llari tushuntirilmoqda.

Bundan tashqari, joylarda nazorat tadbirlari o‘tkazilib, ko‘chalarda qarovsiz va nazoratsiz yurgan voyaga yetmaganlar aniqlanib, qonuniy vakillariga topshirilmoqda. Yana maktablarda balog‘at yoshidagi qiz bolalar o‘rtasida erta turmush va erta tug‘ruq oqibatlari hamda ular ishtirokida “Huquqbuzarliklar va jinoyatchilikning oldini olish” mavzularida savol-javoblar olib borilmoqda, – deya yozmoqda “Postda” muxbiri M. Ahadov o‘zining maqolasida.