Qo‘riqlash boshqarmasi xodimlariga nima bo‘ldi?

Insonning hayotini saqlab qolish ko‘pincha qon quyish jarayoni bilan bog‘liqdir. Kuni kecha ana shunday ezgu maqsadni amalga oshirishda o‘z hissalarini qo‘shish uchun Milliy gvardiya Buxoro viloyati Qo‘riqlash boshqarmasi xodimlari “Men donorman” xayriya aksiyasida ishtirok etishdi, – deya xabar bermoqda tashkilot matbuot xizmati.

Donorlik – o‘zi oddiy, bir qarashda arzimas ishdek ko‘rinsa-da, berilgan shu qon tufayli ko‘pgina insonlarning hayotini saqlab qolish mumkin.

Huquq-tartibot idoralari xodimlaridan beg‘araz yordam sifatida olingan qon gematologiya bo‘limida davolanayotgan bemorlarning salomatligini yaxshilashga yo‘naltiriladi.

Ezgulikning yorqin namunasi bo‘lgan bu kabi xayriya aksiyalarini o‘tkazishdan ko‘zlangan asosiy maqsad – og‘ir xastaliklarga chalingan bemorlarning sog‘lom hayotga qaytishlariga yordam berishdan iboratdir.