24.07.2021
    -
  • -
  • -
  • -
  • -
  • -
photo 01 20

 90 

Joriy yilning 25–27- mart kunlari Ombudsman huzurida milliy preventiv mexanizm doirasida faoliyat yurituvchi jamoatchilik vakillaridan iborat bo‘lgan ekspert guruhi tomonidan qiynoq holatlarini aniqlash va ularning oldini olish maqsadida Buxoro viloyatidagi 1, 17, 20-sonli jazoni ijro etish koloniyasi, 4-son tergov hibsxonasi, Buxoro viloyati IIB Aniq yashash joyiga ega bo‘lmagan shaxslarni reabilitasiya etish markazi, Voyaga yetmagan shaxslarga ijtimoiy huquqiy yordam ko‘rsatish markazi, Buxoro shahar IIOFMB vaqtincha saqlash hibsxonalariga monitoring tashrifi amalga oshirildi.

Monitoringning Ekspert guruhi tarkibida Ombusdman, senator, Ombudsmanning Buxoro viloyati bo‘yicha mintaqaviy vakili, Ombudsman Kotibiyati vakillari, Ombudsman huzuridagi komissiya a’zolari, davlat idoralari va hokimiyati, nodavlat notijorat tashkilotlar hamda OAV vakillari ishtirok etishdi.

Monitoring davomida muassalardagi oshxona va mahkumlarga ovqat tayyorlash jarayoni bilan tanishildi. Taomnoma menyusi hamda oziq-ovqat mahsulotlarini saqlash joylari ko‘zdan kechirilganda oziq-ovqat ta’minoti me’yorlariga amal qilinayotganligi ma’lum bo‘ldi.

Shuningdek, mahkum va mahbuslarga ko‘rsatiladigan tibbiy yordam masalasi yuzasidan yopiq muassasalardagi tibbiyot bo‘limlari o‘rganilganda dori-darmon, uskunalardan kamchilik va muammolar yo‘qligi, sharoitlar qoniqarli darajada ekanligi lekin, kadrlar masalasida tibbiyot xodimlarining oylik maoshlari pastligi sabab vakant o‘rinlar borligi aniqlandi.

Ekspert guruhi a’zolari koloniyalardagi qisqa muddatli va uzoq muddatli uchrashuv xonalari hamda telefon so‘zlashuv xonalarida yaratilgan shart-sharoitlar bilan ham tanishishdi. Ob’yektlarni o‘rganish davomida mahkumlarni yaqin qarindoshlari uchrashuvga kelganlarida, ular uchun koloniya tashqarasida kutish joylari qilinmagani, savdo do‘konlaridagi mahsulotlar narxi qimmat ekani, qolaversa, muassasada joylashgan ishlab chiqarish syexlarining ayrim buyurtmachilari tomonidan kelishilgan shartnoma talablari bajarilmaganligi sababli mahkumlarning oyliklari kechikayotgani aniqlandi.

Monitoring davomida jamoatchilik vakillaridan iborat bo‘lgan Ekspert guruhi a’zolari muassasalarda saqlanayotgan shaxslar bilan jamoaviy va yakka tartibdagi uchrashuvlar o‘tkazildi.

Jamoaviy uchrashuvlar davomida mahkumlarga ularning huquq va majburiyatlari batafsil to‘xtalib o‘tilib, ularning sha’ni va qadr-qimmatini kamsitish holatlari yuzaga kelgan taqdirda Ombudsmanga murojaat qilishlari kerakligi tushuntirildi. Mahkumlar bilan o‘tkazilgan yakka tartibdagi qabullarda esa muassasada ularga qanday munosabatda bo‘layotganliklari, qiynoqqa solish va boshqa shafqatsiz, g‘ayriinsoniy yoki qadr-qimmatni kamsituvchi muomala hamda jazo turlarini qo‘llash bilan bog‘liq holatlar bor yoki yo‘qligi, mahkumlar uchun yaratilayotgan shart-sharoitlar yuzasidan fikrlar o‘rganildi. Mahkumlardan kelib tushgan murojaatlar asosan sud-tergov jarayoni bilan bog‘liq va yashash joylariga yaqin hududga ko‘chirish bo‘yicha bo‘ldi.

Buxoroga tashrif doirasida viloyat IIB Aniq yashash joyiga ega bo‘lmagan shaxslarni reabilitasiya etish markazi, Voyaga yetmagan shaxslarga ijtimoiy huquqiy yordam ko‘rsatish markazi, Buxoro shahar IIOFMB vaqtincha saqlash hibsxonalariga ham monitoring tashrifi amalga oshirildi shuningdek, joylarda Ombudsmanning sayyor qabullari tashkil etildi.

  • photo 02 20

Ombudsman huzurida milliy preventiv mexanizm doirasida faoliyat yurituvchi ekspert guruhi tomonidan respublika bo‘ylab jazoni ijro etish muassasalari va tergov hibsxonalariga monitoringlar davom ettiriladi.

Fikr bildirish

• • • • • • • • • • • • • • • • • • • • •