Buxoro tumanida yana bir turistik obyekt foydalanishga topshirildi – fotojamlanma

Joriy yilning 16-sentabr kuni Buxoro tumanining “Sheyxon” mahallasida «Sheyxan etno-markazi» ning tantanali tarzda ochildi. Rejalashtiralayotgan ochilish marosimi haqida avval ham xabar bergan edik.

Shu kuni Buxoro tuman hokimi Xayrullo Jo‘rayev, shunigdek turli turistik kompaniyalar egalari, gidlar va viloyat Turizm va madaniy meros bosh boshqarmasi mas’ullari mazkur obyektga tashrif buyurishdi.

Ochilish marosimi davomida mahalliy hunarmandchilik ko’rgazmasi, Nasriddin Afandi va dorbozlarning chiqishlari namoyish etildi, milliy taomlarimiz tortiq qilindi.

– Bu yerga ilk kelganimda bu joylarning manzarasi, tabiati va mahalladagi urf-odatlarning azaldan saqlanib qolinganligi, milliylik aks etgan qatriyatlarning haliyam davom etayotganligi quvontirdi va do‘stimga bu yerga albatta bir maskan qurish kerakligini aytdim. Maskanda milliy etnik taomlar, o’yinlar va Nasriddin Afandining chiqishlarini jonlantirib, keladigan mehmonlar e’tiboriga havola etish kerakligini aytdim, – deydi suhbat jarayonida obyekt egalaridan biri, rossiyalik investor Oleg Sipchak.

Qayd etish kerakki, 15 sotixli ushbu markazda yozgi va qishgi hovlidan mavjud bo‘lib, $400 000 qiymatdagi ishlar hisobiga barpo etilgan. Bu yerda turistik kompaniyalar bilan hamkorlikda “ethno house” turistik yo‘nalishi yanada rivojlantiriladi, keladigan xoh mahalliy, xoh xorijiy sayyoh bo‘lsin – ushbu markaz faoliyatida bevosita o‘zi ham ishtirok etadi, milliy-etnik taomlar tayyorlanishi bo‘yicha master-klasslarda qatnashadi.

Yaqin kelajakda esa «Sheyxan etno-markazi» hududida “jonli burchak» – turli uy hayvonlarini ko‘paytirish rejada bor. Sababi, maskan yonginasida katta yashil bog‘ mavjud. Shunday ekan bu yer har bir eko-turistik obyektlarni sevuvchi sayyohlarga manzur bo‘lishiga shubhamiz yo‘q.