Ko‘p qavatli uylar kanalizatsiya tarmoqlari tozalandi

Kanalizatsiya bilan bog‘liq to‘siq (zator) holatlarining 80% iste’molchilar tomonidan foydalanish qoidalariga amal qilmasligi sababli, tarmoqlarda bolalar tagliklari (pampers) va turli chiqindilarning hojatxona va oqava quduqlariga tashlanishi oqibatida kelib chiqmoqda.

Shu kabi holatlardan biri, Buxoro shahri, S. Ayniy ko‘chasidagi 16-, 16/1-, 18-uylarining oqava tarmoqlariga turli chiqindilarning tashlanishi oqibatida, to‘siq (zator) holatini yuzaga keltirgan. Hozirgi paytda muammo «Buxoro suv ta’minoti» MChJ xodimlari tomonidan to‘liq bartaraf etilgan.

O‘z navbatida, xonadoningizga ulangan oqava (kanalizatsiya) tarmoqlaridan samarali va uzoq muddat muammosiz foydalanmoqchi bo‘lsangiz, tizimda nosozlik keltirib chiqarmang, oqava tarmoqlaridan foydalanish madaniyatiga rioya qilishni so‘rab qolamiz.