“Sharq” poyezdining harakat jadvaliga o‘zgartirish kiritilmoqda

“O‘zbekiston temir yo‘llari” AJ yo‘lovchilarning taklif va murojaatlarini inobatga olib, Toshkent – Buxoro – Toshkent yo‘nalishida harakatlanuvchi 10/9-sonli “Sharq” poyezdining harakat jadvaliga o‘zgartirish kiritilmoqda, -deya xabar bermoqda Buxoro viloyat transport boshqarmasi Matbuot xizmati.

2021-yil 5-aprel sanasidan Toshkent – Buxoro yo‘nalishida qatnovchi 10-sonli poyezdi «Toshkent-Markaziy» temir yo‘l vokzalidan soat 09:00 da, Buxoro – Toshkent yo‘nalishida harakatlanuvchi 9-sonli poyezdi «Buxoro» temir yo‘l vokzalidan soat 16:08 da jo‘naydi.

Qo‘shimcha ma’lumotni Kogon temir yo‘l vokzalining 65-52-4-73-32 raqamli telefon raqamlari hamda ma’lumotlar byurosidan bilib olishingiz mumkin.