Buxoroda havo sifatini kuzatish uchun fon monitoring stansiyalari o‘rnatilmoqda

Buxoro viloyatida atmosfera havosining holatini muntazam kuzatib borish uchun fon monitoring stansiyalari o‘rnatilmoqda. Bu haqda Buxoro viloyati Ekologiya bosh boshqarmasi Buxoroisharif.uz internet nashriga ma’lum qildi.

Mazkur stansiyalar, asosan, korxona va tashkilotlarning sanitariya-himoya zonalarida joylashtirilmoqda. Ular atmosfera havosining holati bo‘yicha doimiy monitoring olib borishga xizmat qiladi.

Fon monitoring stansiyalari havodagi o‘zgarishlarni muntazam kuzatish, uning sifatini baholash hamda ehtimoliy ifloslanish holatlarini o‘z vaqtida aniqlash imkonini beradi.

Ushbu tizim orqali ekologik vaziyatni nazorat qilish va atmosfera havosini muhofaza qilish bo‘yicha zarur choralarni belgilash ishlari kuchaytirilmoqda. Bu aholi uchun sog‘lom atrof-muhitni ta’minlashga qaratilgan.