Kreditni pora bilan hal qilmoqchi bo‘lgan qorako‘llik

Qorako‘l tumanida bank boshqaruvchisini pora evaziga og‘dirmoqchi bo‘lgan shaxs qo‘lga olindi.

2021-yilning 25-mart kuni Qorako‘l tumani huquqni muhofaza qiluvchi organlar xodimlarining hamkorlikdagi o‘tkazgan tezkor tadbiri davomida Qorako‘l tumani Mirob mahallasida yashovchi 1983-yilda tug‘ilgan V. P. “Agrobank” Qorako‘l filiali boshqaruvchisiga kredit mablag‘larini tezroq chiqarib berish evaziga $100 pora tariqasida bergan vaqtida ushlanib, tegishli tartibda rasmiylashtirildi.

Mazkur holat yuzasidan V. P. ga nisbatan O‘zbekiston Respublikasi JK ning 211-moddasi (pora berish) 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.

Hurmatli fuqarolar ogoh bo‘ling! Pora berish ham, pora olish ham jinoyat. Bu kabi korrupsion holatlar davlatni, jamiyatni tanazzulga yetaklaydi, –deya ogohlantirmoqda Buxoro viloyati IIB Axborot xizmati.