16.04.2021
    -
  • -
  • -
  • -
  • -
  • -
photo 221

 98 

Zavodning Asosiy ishlab chiqarish sexining “Atmosfera bosimi ostida neft va gaz kondensati xomashyosini haydash” hamda “Umumiy naftani vodorod yordamida tozalash” texnologik qurilmalarida joriy ta’mirlash ishlarini amalga oshirish rejalashtirilgan. Unda texnologik qurilmadagi issiqlik almashtirgichlar, texnologik pech quvurlarini gidromexanik usulida tozalanadi hamda tegishli texnologik qurilmada eski turdagi katalizatorni yangi turdagi katalizatorga almashtiriladi.

Rejali ta’mirlash ishlarini amalga oshirish maqsadida, joriy yilning 5-aprelidan Buxoro neftni qayta ishlash zavodi 10 kun muddatga to‘xtatildi.

Joriy ta’mirlash ishlariga Rossiyaning (Perm) “XimMontajNaladka” kompaniyasi jalb qilingan bo‘lib, kompaniya tomonidan texnologik qurilmadagi pech quvurlarini zamonaviy usullarda tozalash ishlari amalga oshiriladi.

Bundan tashqari ushbu davrda “Umumiy naftani vodorod yordamida tozalash” texnologik qurilmasida mavjud eski turdagi katalizatorni Fransiyaning “Axens” kompaniyasi tomonidan ishlab chiqarilgan “HR-608” yangi turdagi katalizatoriga almashtiriladi.

photo 02 35

Natijada zavodda uglevodorod xomashyolarini qayta ishlashda, sarflanadigan energiya resurslar sarfini kamaytirishga hamda kelgusida texnologik qurilmalarni xavfsiz ishlashini ta’minlashga erishiladi.

Buxoro neftni qayta ishlash zavodida joriy ta’mirlash ishlarini xavfsiz olib borish bo‘yicha barcha zaruriy choralar ko‘rilgan bo‘lib, ta’mirlash ishlarini belgilangan muddatlarda yakunlash jadvallari ishlab chiqilgan.

Zavod joriy ta’mirlash davrida ham respublika iste’molchilariga neft mahsulotlarini uzluksiz yetkazib berish yuzasidan barcha choralar ko‘rilgan bo‘lib, neft’ mahsulotlari zaxirasi yaratilgan, – deya xabar bermoqda “O‘zbekneftgaz” AJ Matbuot xizmati

Fikr bildirish

• • • • • • • • • • • • • • • • • • • • •