Bollivud yulduzi Salmon Xon mashhurlikka erishish haqida gapirdi

Aktyor hozirda yana bir yangi filmda suratga tushmoqda.

Bollivud yulduzi Salmon Xon Hindistonning yosh aktyorlariga murojaat qildi va mashhurlikka erishish haqida gapirdi.

Salmon Xon mahalliy nashrlarning biriga bergan intervyusida mashhurlik osonlik bilan erishiladigan narsa emasligini, buning uchun koʻp mehnat va masʼuliyat kerakligini aytdi.

“Mashhurlik har doim bor boʻlgan, biz uni yosh avlodga osonlikcha topshirmaymiz. Unga osonlik bilan erishilmaydi, koʻp mehnat masʼuliyat bilan unga erishish mumkin”,— deydi Bollivud aktyori Salmon Xon

Salmon Xon shu vaqtga qadar 50 ga yaqin kinofilmlarda rol ijro etgan va dunyo boʻylab oʻz muxlislarini topa olgan. Kasbiga muhabbat qoʻygan aktyor hozirda yana bir yangi filmda suratga tushmoqda. Uning ijrosidagi “Oshiqu beqarorlar”, “Chunki bu taqdir”, “Tezlik”, “Raqiblar” va boshqa filmlari juda mashhur.