Ayollarga 30 dan oshiq tikuv mashinkalari bepul berildi

Romitanda 32 nafar xotin-qizlarga tikuv mashinalari topshirildi, – deya xabar bermoqda tuman hokimligi Matbuot xizmati.

Kuni kecha boquvchisini yo‘qotgan, nogironligi bo‘lgan va kam ta’minlangani sababli “Ayollar daftari” ro‘yxatiga kiritilgan 32 nafar xotin-qizlarga O‘zbekiston Respublikasi Vazirlar Mahkamasining 2022 yil 31 martdagi 145-sonli “Xotin-qizlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”gi qarori asosida tikuv mashinalari topshirildi.

– Berilgan bu imkoniyatdan to‘g‘ri foydalanib, o‘z xonadonimda tikuvchilik faoliyatini boshlayman, – deydi “Ayollar daftari”ga kiritilgan Xolida Bo‘ldiyeva.