Kecha, 22-sentabr kuni buxorolik ziyoratchilar Umraga yo‘l olishdi – foto

Kecha, 22-sentabr soat 21:21 da Buxoro temir yo‘l vokzalidan “Buxoro – Toshkent” yo‘nalishida Buxoro viloyati ziyoratchilari Toshkentga jo‘nab ketdilar.

Ular bugun, 23-sentabr soat 09:30 da Islom Karimov nomidagi Toshkent xalqaro aeroportidan “Toshkent – Jidda” yo‘nalishi bilan jo‘nab ketadilar.

Viloyatdoshlarimiz shu bilan joriy yilning 3-oktabr kuni (taxminan, soat 21:00 larda) muborak amallarini ado qilib, Toshkentga qaytib kelishadi va 4-oktabr kuni “Toshkent – Buxoro” yo‘nalishida (“Sharq” tezyurar poyezdi) Buxoroga yetib keladilar.

Alloh taolo Umraga otlanganlarning safarlarini muborak qilsin, Baytullohni tavof qilishni barchamizga nasib etsin!