Nega IIB xodimlari Buxorodagi qurol bilan savdo qiladigan do‘konlarga borishdi?

Buxoro viloyati bo‘ylab “Qurol to‘g‘risidagi qonunchilik takomillashtirilishi hamda ayrim qonun hujjatlariga o‘zgartish va qo‘shimchalar kiritish haqida” qabul qilingan Qonunni aholi orasida keng tushuntirish, qaror talablarining bajarilishi yuzasidan zaruriy tayyorgarlik choralarini koʻrish borasida viloyatda ovchilik savdo doʻkonlari vakillari bilan qaror talablari asosida bir qator targʻibot ishlari amalga oshirilmoqda, – deya xabar bermoqda Buxoro IIB matbuot xizmati.

Jumladan, Buxoro viloyati IIB JXX JTSB nazorat-litsenziyalash faoliyati guruhi mas’ullari tomonidan viloyat hududidagi nazorat-litsenziyalash faoliyati obyektlari rahbar va xodimlari ishtirokida navbatdagi profilaktik targ‘ibot ishlari olib borildi.

Bunda, fuqaroviy va xizmat quroli hamda uning o‘q-dorilari muomalasi sohasida ruxsat etish xususiyatiga ega bo‘lgan hujjatlarni berish tartibi, ularga egalik qilishning talab va shartlariga o‘zgarishlar kiritilganligi yuzasidan huquqiy tushuntirish berildi.